Сустаршыня Беларускай хрысціянскай дэмакратыі Павел Севярынец ляцеў адным рэйсам у Франкфурт з прэм’ер‑міністрам Сяргеем Сідорскім.
Сустаршыня Беларускай хрысціянскай дэмакратыі Павел Севярынец ляцеў адным рэйсам у Франкфурт (Германія) з прэм’ер‑міністрам Сяргеем Сідорскім.
«Гэта было 8 сакавіка, калі мы разам з Алесем Лагвінцом накіроўваліся ў Страсбург для сустрэчы з еўрадэпутатамі. Яшчэ ў аэрапорце было ажыўленне, падумаў няўжо праз маю сціплую асобу, ну рознае бывае. Ужо па прылёце ў Франкфурт мяне піхнуў Лагвінец. Маўляў, паглядзі з кім мы разам ляцелі.
Прыгледзеўся — Сяргей Сідорскі. Ішоў разам з нейкай жанчынай. Ці то дачка, ці то жонка.У яе руках былі кветкі, вядома ж, 8 Сакавіка. У Германіі яго сустракала істотная дэлегацыя, чалавек пятнаццаць, магчыма, што і з пасольства нехта. Мы павіталіся з Сідорскім, ён нам таксама адказаў», — кажа П.Севярынец.
Мы звярнуліся да прэс‑сакратара прэм’ер‑міністра Аляксандра Цімашэнкі з пытаннем, ці гэта быў працоўны візіт, ці прыватны.
«Пра гэтую паездку я нічога не ведаю», — адказаў А.Цімашэнка.
На сайце Савету міністраў ніякіх звестак аб працы Сяргея Сідорскага не было ад 8 да 17 сакавіка.
Паводле непацверджанай інфармацыі, дачка С.Сідорскага вучыцца ў Нямеччыне. Удакладніць гэтую інфармацыю нам таксама не ўдалося.
Цяпер чытаюць
Бабарыка зоймецца бізнэсам — ужо адкрыў кампанію ў Германіі18
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары