Літаратурны часопіс «Дзеяслоў» уручыў прэміі «Залаты апостраф» за 2008 год.
Ляўрэткай прэміі за найлепшую публікацыю жаночай паэзіі зрабілася Валянціна Аксак (нізка «Батанічны сад у Vizby»),
мужчынскай — паэт Віталь Рыжкоў (за публікацыю «Нельга схавацца за словы…» ).
найлепшымі празаічнымі публікацыямі году паводле «Залатога Апострафа» зрабіліся аповесць «Вяртанне веры» і апавяданне «Залатая Арда», абедзве — аўтарства Уладзімера Някляева.
Адмысловы прыз за «найлепшую публікацыю паводле інтэрнэт-галасавання» (ці, проста кажучы, прыз чытацкіх сімпатыяў) дастаў паэт Сяржук Сыс за нізку вершаў «Вецер з Балтыкі».
Традыцыйна лаўрэаты «Залатога Апострафа» вызначаюцца па трох намінацыях: «Паэзія», Проза» і «Дэбют», але сёлета ўсё скарэктавала-перакартавала інтэрнэт-галасаванне. Прагаласаваць за ўлюбёнага аўтара можна было пакінуўшы каментар у Сеціве. Гэтак шэраговыя чытачы выбіралі пяцёрку прэтэндэнтаў у кожнай намінацыі. А ўжо з той пяцёркі найлепшага выбірала рэдакцыя «Дзеяслова».
Такім парадкам, паводле вынікаў галасавання і каментароў у Сеціве рэдакцыя часопісу вырашылі прэмію за найлепшы дэбют не даваць зусім, а паэтычныю прэмію падзяліць: на жаночыю і мужчынскую. І ў дадатак прысудзіць прэмію чытацкіх сімпатыяў.
«Шчыра кажучы, напачатку мы не надта давяралі Сеціву ў справе выбару лаўрэатаў, — кажа Барыс Пятровіч, галоўны рэдактар «Дзяслова». — Асцерагаліся, што старэйшыя аўтары будуць забытыя. Думалі, карыстальнікі Сеціва — маладыя людзі і адпаведна будуць абіраць маладзейшых. Але ў некаторых намінацыях інтэрнэт-супольнасць прыемна зьдзівіла нас сваёй бесстаронасьцю і аб’ектыўнасцю».
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным2
Каментары