У БНТУ пачалі вырабляць дэталі для апаратаў штучнай вентыляцыі лёгкіх
У Беларускім нацыянальным тэхнічным універсітэце пачалі вырабляць дэталі для апаратаў ШВЛ.



БНТУ і Навукова-тэхналагічны парк БНТУ «Палітэхнік» неадкладна адгукнуліся на запыт Міністэрства аховы здароўя і Мінскага навукова-практычнага цэнтра (МНПЦ) хірургіі, транспланталогіі і гематалогіі, у якім гаворыцца пра патрэбы ў вырабе камплектуючых для апаратаў ШВЛ і сродкаў абароны з мэтай аказання падтрымкі беларускім медыкам.
«Палітэхнік» у супрацоўніцтве з аддзелам анестэзіялогіі, рэанімацыі і інтэнсіўнай тэрапіі МНПЦ хірургіі, транспланталогіі і гематалогіі прыступіў да вырабу ўзораў сістэмы для падачы і ўвільгатнення кіслароду (патрэбнасць у іх — больш за 2 500 камплектаў), уключаючы наступныя дэталі: перахаднік ад кропкавых крыніц падачы кіслароду, вечка для ёмістасці ўвільгатняльніка кіслароду з опцыяй разгалінавання на 2 катэтары і разгалінавальнік падачы ўвільготненага кіслароду.
Акрамя гэтага, з выкарыстаннем 3D-друку выраблены ўзоры клапана Вентуры для апаратаў вентыляцыі лёгкіх двух тыпаў, праводзяцца іх выпрабаванні. Экстранная патрэба ў клапанах — больш за 1000 камплектаў з рознай прапускной здольнасцю. У найбліжэйшы час пачнецца іх выпуск.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Каментары