Не толькі антысептык. ЮНІСЕФ агучыў поўны спіс таго, што плануе закупіць на $1,5 мільёна, які збірае ў беларусаў
ЮНІСЕФ заклікае беларускі бізнэс і жыхароў краіны сабраць $1,5 мільёна на дапамогу медыкам. Гэтых грошай, па іх ацэнках, хопіць на 4 месяцы бесперапыннай працы беларускіх бальніц.
Сярод таго, што плануюць паставіць з-за мяжы, — 1,5 мільёна літраў антысептыку. Але яго, па словах валанцёраў, хапае і на нашых прадпрыемствах.
Міжнародны фонд расказаў «Нашай Ніве» пра свае планы больш падрабязна.
Вось поўны спіс таго, што плануе закупіць фонд на сабраныя грошы:
• антысептыкі і сродкі асабістай гігіены — 1 500 000 літраў;
• тэст-сістэмы для COVID-19 (у камплекце з расходнымі матэрыяламі для лабараторый) — больш за 100 000 штук;
• прыборы дыстанцыйнага вымярэння тэмпературы — 2100 штук;
• гігіенічныя наборы для маючых патрэбу — 770 тысяч штук;
• ахоўныя маскі — 8 мільёнаў штук;
• халаты ахоўныя — 2600 штук;
• пальчаткі — 370 000 пар;
• рэспіратары — 600 000 адзінак;
• акуляры ахоўныя — 50 000 адзінак;
• шчыткі ахоўныя — 50 000 адзінак;
• касцюмы ахоўныя — 50 000 адзінак;
• камбінезоны ахоўныя — 100 000 адзінак;
• пальчаткі медыцынскія — 10,5 млн адзінак;
• канцэнтратары кіслародныя — 100 адзінак.
«Пачынаючы з мая, ЮНІСЕФ будзе перадаваць частку набытага абсталявання і сродкаў індывідуальнай абароны валанцёрам ініцыятывы ByCovid-19 для далейшага размеркавання па медычных установах у каардынацыі з Міністэрствам аховы здароўя», — кажуць у фондзе.
Чытайце. ЮНІСЕФ збірае ў беларусаў грошы, каб закупіць 1,5 мільёна літраў антысептыку. Валанцёры: Больш патрэбны рэспіратары
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?2
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары