Прэс-служба «Слаўкалія» публікуе ў беларускіх СМІ дзіўны тэкст ад імя Пракапені
Але ягоная ўласная прэс-служба рашуча адмаўляе аўтарства.
«Дзякуючы прэзідэнту Лукашэнку Беларусь апынулася ў лепшай сітуацыі пры барацьбе з каранавірусам, чым усе іншыя краіны» — так азагалоўлены артыкул, які нібыта напісаў прадпрымальнік Віктар Пракапеня.
Прапанова размясціць такі тэкст рэдакцыі Reform.by паступіла па электроннай пошце ад прэс-сакратара ЗТАА «Слаўкалій».
Аляксандр Лукашэнка параўноўваецца у артыкуле з Леніным, Сталіным і Маскам, а прыкладам няздарнага кіравання крызіснай сітуацыяй з эпідэміяй называецца Расія.
Прэс-сакратар нібыта запэўніла, што тэкст напісаны Віктарам Пракапенем, і спытала, на якіх умовах можна размясціць тэкст.
Падобны артыкул сапраўды з'явіўся ў рубрыцы «Меркаванне» 6 мая на партале TUT.by за подпісам Пракапені. У матэрыяле на TUT.by прыбралі самыя адыёзныя выказванні. Тэкст без купюр быў затым апублікаваны і на іншых беларускіх сайтах. Interfax.by проста паставіў тэкст у двукоссі, а 4esnok.by выдаў артыкул за подпісам Міці Бялова.
За некалькі дзён да гэтага, 4 мая, на TUT.by было апублікавана рэзананснае інтэрв'ю Віктара Пракапені. У ім вядомы прадпрымальнік даволі жорстка выказваецца пра тыя рашэнні, якія прыняты ў Беларусі для барацьбы з эпідэміяй COVID-19.
Цяпер чытаюць
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія17
Каментары