У 55 гадоў памёр прэзідэнт Бурундзі, які ставіўся да каранавіруса несур'ёзна
Прэзідэнт Бурундзі П'ер Нкурунзіза, які адмаўляў неабходнасць мер супраць каранавіруса, памёр, паведамляе BBC.
Па папярэдніх звестках, гэта адбылося з-за спынення сэрца 8 чэрвеня, у панядзелак. Мясцовыя СМІ раней пісалі, што Нкурунзіза разам са сваёй жонкай трапіў у бальніцу з дыягназам COVID-19: ён мог заразіцца каранавірусам.
Нкурунзіза 15 гадоў быў прэзідэнтам Бурундзі і неаднаразова заяўляў, што ўзначальвае нацыю па волі Госпада.
Канстытуцыя краіны абмяжоўвае знаходжанне на вышэйшай пасадзе двума пяцігадовымі тэрмінамі, але ў 2015 годзе Нкурунзіза абвясціў, што пойдзе на трэці, паколькі першы раз ён быў абраны не насельніцтвам, а парламентам.
Рашэнне выклікала масавыя хваляванні і спробу перавароту з боку арміі. Выступленні былі задушаныя. Загінулі, па розных звестках, да 1200 чалавек, каля 200 тысяч збеглі ў суседнія краіны.
У 2018 годзе ён змяніў канстытуцыю, павялічыўшы працягласць прэзідэнцкага тэрміну да сямі гадоў і забяспечыўшы сабе магчымасць балатавацца зноў, але нядаўна заявіў, што на чацвёрты тэрмін не пойдзе, а прыме тытул «вярхоўнага правадыра патрыятызму», з якім будучыя ўлады абавязаны будуць кансультавацца на прадмет таго, што патрыятычна, а што не.
У апошнія месяцы Нкурунзізу крытыкавалі за адсутнасць мер па барацьбе з каранавірусам. Замест увядзення каранціну ён заявіў, што народ Бурундзі беражэ Усявышні.
У самы разгар пандэміі ў Бурундзі прайшлі прэзідэнцкія выбары, на якіх перамог абраны Нкурунзізам пераемнік.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны30
Каментары