Палітзняволеную Алену Маліноўскую, якую пераарыштавалі на выхадзе з калоніі, урэшце вызвалілі ў зале суда
Яе пратрымалі ў СІЗА дадатковыя паўгода і абмежаваліся гэтым.
Мінскі гарадскі суд прызнаў палітзняволеную Алену Маліноўскую вінаватай, аднак вызваліў яе ў зале суда, бо яна ўжо адбыла прызначаны тэрмін пакарання. Прысуд быў абвешчаны 6 сакавіка 2026 года, піша «Вясна».
Мінскі гарадскі суд 6 сакавіка прызначыў жанчыне чатыры гады і дзевяць месяцаў пазбаўлення волі. Праз тое, што Алена знаходзіцца за кратамі ўжо больш за чатыры гады — гэты тэрмін быў залічаны судом у тэрмін прысуду, таму яе вызвалілі падчас суда.
Гэтым разам жанчыну абвінавацілі паводле ч. 1 арт. 130 КК (распальванне іншай сацыяльнай варожасці) і ч. 3 і 361 КК (заклікі да санкцый або іншых дзеянняў, шкодных для нацыянальнай бяспекі).
Алена Маліноўская была асуджаная ў 2022 годзе разам з Ліліяй Ананян і Анатолем Латушкам, стрыечным братам палітыка Паўла Латушкі. Ёй прызначылі чатыры гады пазбаўлення волі за «хуліганства» (арт. 339 КК) і «здзек з дзяржаўных сімвалаў» (арт. 370 КК) — за малюнкі герба «Пагоня» і спалены сцяг.
31 жніўня 2025 года Алена мусіла выйсці на волю, але супраць яе ўзбудзілі новую крымінальную справу і перавялі ў СІЗА. Агулам Алене налічылі 8 эпізодаў. У чым канкрэтна абвінавачвалі палітзняволеную, пакуль невядома.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў2
Каментары