У Брэсце следчы РАУС асуджаны за фальсіфікацыю доказаў па крымінальнай справе.
У Брэсце следчы РАУС асуджаны за фальсіфікацыю доказаў па крымінальнай справе.
Следчы разбіраў справу аб нанясенні цяжкіх цялесных пашкоджанняў. Калі аказалася, што паказанні сведкаў і вынікі судова-медыцынскай экспертызы аб даце здзяйснення злачынства не супадаюць, ён, як выявіў суд, проста падрабіў дату ў некаторых дакументах, каб «справу раскрыць».
Абвінавачанага арыштавалі, этапавалі з Расіі ў Беларусь. Але — рэдкі выпадак і вынік добрай адвакацкай працы — суд яго апраўдаў.
Справа дайшла да суду, і цяпер ужо старшы лейтэнант міліцыі сеў на цвёрдую лаву. Прысуд: 3 гады і 6 месяцаў пазбаўлення волі з адбыццём пакарання ў калоніі ўзмоцненага рэжыму.
Каментары