19 ліпеня вадалазы дасталі з возера Сялец цела 22-гадовага выпускніка Вайсковай акадэміі, паведамілі TUT.BY у Брэсцкім абласным савеце Асвода.
На возеры Сялец адпачывала кампанія з Баранавічаў. Трое хлопцаў адплылі на надзіманым матрацы бліжэй да цэнтра вадаёма і сталі ныраць. Двое з іх паплылі да берага, а адзін застаўся. Неўзабаве ён пачаў тануць. Калі маладыя людзі заўважылі, што іх таварыш сышоў пад ваду, яны кінуліся на дапамогу, але знайсці сябра ім не ўдалося. Цела маладога чалавека на глыбіні 2,5 метра выявілі на наступны дзень выратавальнікі.
19 ліпеня пры падобных абставінах загінуў 29-гадовы жыхар Лунінца. З сябрамі ён адпачываў на кар'еры ў вёсцы Вялікія Чучавічы, які забаронены для купання. Падчас пікніка малады чалавек вырашыў пераплысці кар'ер. Па дарозе назад ён сышоў пад ваду. У той жа дзень яго цела са дна дасталі ратавальнікі.
Каментары