Стоп-фэйк. БелТА публікуе допісы беларусаў, абураных Ціханоўскай. Але гэта мёртвыя акаўнты
«Беларусы ў сацыяльных сетках адрэагавалі на адкрытую няпраўду, заяўленую на ўсю краіну падчас тэлевыступаў кандыдатаў у прэзідэнты», — адзначае інфармацыйнае агенцтва БелТА. У якасці пацверджання прыводзяцца шэсць меркаванняў са спасылкай на акаўнты працытаваных людзей. Што за неабыякавыя грамадзяне?
Алена Міронава: «Мяне проста затрэсла, калі ўчора кандыдат у прэзідэнты распавядала з экрана пра нібыта бедных медыкаў, у якіх не было ні масак, ні ахоўных касцюмаў. Маўляў, голымі рукамі з каранавірусам. Ну няпраўда ж!».
Гэтая жыхарка Гродна раней не напісала ніводнага допісу. Гэта першае яе меркаванне.
Віка Любамірава: «Які транзіт улады? Якія новыя выбары? Якое захаванне стабільнасці ў краіне? Прасцей тады адразу здаць незалежнасць, каб, як гаворыцца, доўга не мучацца».
21-гадовая мінчанка за некалькі гадоў выклала тры дзясяткі фотаздымкаў, але ніколі не пісала допісы хоць на якую тэму.
Васіль Ігнатовіч: «Паслухаеш кандыдатаў, атрымліваецца ўсё дрэнна, і ніхто нічога не робіць, ды проста трэба цікавіцца чымсьці далей за свой уласны нос!».
Мінчук з фэйкавай аватаркай спецыяльна зарэгістраваўся, каб напісаць гэты адзіны допіс.
Святлана Язерская: «Нешта кандыдаты ў прэзідэнты забыліся ці не ведалі, якая дапамога аказваецца ў барацьбе з каранавірусам».
У гэтым акаўнце ёсць з дзясятак перапошчаных спасылак, але ўпершыню Святлана з пустой аватаркай вырашыла выказаць уласнае меркаванне — і адразу трапіла на БелТА.
Аксана Раманенка: «Некаторыя хочуць сабе зрабіць касу: «медыкам не хапала масак…». Добра хоць у мінулым часе! Таму што вырашылі гэтую праблему за вельмі кароткі час. І вырашылі яе ўсе разам: улада, людзі, грамадскія арганізацыі».
Гэты акаўнт быў створаны месяц таму. У яго актыве тры допісы ў падтрымку Аляксандра Лукашэнкі і супраць яго апанентаў.
Наталля Мельнікава: «Учора, слухаючы выступ кандыдатаў у прэзідэнты, я была здзіўленая інфармацыяй пра нібыта бяздзейнасць наймальнікаў і прафсаюзаў у пытанні барацьбы з пандэміяй. Шчыра кажучы, мне стала крыўдна».
Гэтая жанчына з Рэчыцы напісала свой другі асэнсаваны допіс — перад тым толькі павіншавала краіну з 3 Ліпеня.
-
«Пасажыры прасілі знізіць хуткасць». Устаноўленыя прычыны ДТЗ з маршруткай у Светлагорскім раёне, дзе загінулі шэсць чалавек
-
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
-
Раздзяляльныя палосы галоўных магістраляў Мінска ўпрыгожылі восем тысяч скрыняў з віёламі
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу5
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары