Лукашэнка загадаў КДБ і МУС не дапусціць ланцуга салідарнасці з Вільні ў Кіеў
Пра гэта ён заявіў у суботу ў Мінабароны, піша БелТА.
«Але цікавая з'явілася інфармацыя сёння да раніцы пра тое, што яны хочуць выбудаваць ланцуг «ад Вільні да Кіева». Гэта значыць, ланцуг неабыякавых. Мала на праспекце ў Мінску неабыякавых з кветачкамі і ў ланцугах … Ужо хочуць выставіць ад Вільні да Кіева і сабраць туды больш за 300 тыс. чалавек», - сказаў ён.
«Даручаю Міністэрству абароны, МУС і КДБ, а таксама генеральнаму пракурору ажыццявіць ацэнку, катэгарычна не дапусціць падобных дзеянняў», - сказаў Лукашэнка.
Паводле яго слоў, зразумела, на што намякаюць: «Я гэта ўжо праходзіў пасля распаду Савецкага Саюза, калі была спроба стварэння Балта-Чарнаморскага рэгіёну - санітарнай зоны: тры балтыйскія дзяржавы, Беларусь, Украіна, каб аддзяліць Расію ад Захаду».
Каментары