Памятаеце работніцу, якая паказала, з чаго гатуюць у «Віталюры»? Цяпер крама падае на яе ў суд
Нядаўна былая супрацоўніца «Віталюра» Любоў Ермакова распавяла «Нашай Ніве», што ў кулінарыі крамы гатуюць з сапсаваных прадуктаў, а ў цэхах водзяцца мышы і тараканы. Цяпер Любоў даведалася, што «Віталюр» падаў на яе ў суд.
Чытайце: Работніца «Віталюра» паказала, з чаго гатуюць у кулінарыі. Крама: Праводзім праверку
«Сёння міліцыянт прынёс мне заяву ад «Віталюра» і ўзяў мае паказанні, — расказала «Нашай Ніве» Любоў. — У краме сцвярджаюць, што я іх зганьбавала і абылгала.
Асабліва ім не спадабаўся артыкул «Нашай Нівы», у якой даецца назва крамы. Абвінавачваюць па арт. 9.2 КаАП і просяць пакараць мяне на 30 базавых велічынь (810 рублёў — «НН»). Далей справу адправяць у суд».
Любоў распавяла, што ўжо знайшла яшчэ аднаго кухара, які разам з ёй працаваў у цэху і таксама звольніўся. Ён гатовы быць сведкам.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары