Дыджэя Улада Сакалоўскага, які уключыў «Перамен» у Кіеўскім скверы, даставілі ў МУС
Гукарэжысёра Улада Сакалоўскага, які нядаўна выйшаў з ЦІП на Акрэсціна, магчыма, зноў затрымалі. Ён паспеў паведаміць сваякам, што яго вязуць на вуліцу Гарадскі Вал, дзе знаходзіцца цэнтральны апарат МУС. Гэтую інфармацыю Tut.by пацвердзіў адвакат Міхаіл Баднарчук.
![](http://nashaniva.com/img/w732d4webp1/photos/z_2020_08/img_4812-v1ewz.jpg.webp)
Пра сваё затрыманне Улад Сакалоўскі паведаміў сваякам каля гадзіны таму. На гэты момант невядома, хто і чаму яго затрымаў. Паводле інфармацыі адваката, Улад знаходзіцца ў цэнтральным апараце МУС, аднак да кліента яго не пускаюць.
— Толькі сказалі, што хутка павінны адпусціць.
Інфармацыю аб затрыманні Улада таксама пацвердзіў яго калега Кірыл Галанаў, які таксама атрымаў дзесяць сутак адміністрацыйнага арышту за песню «Перамен», якая прагучала ў Кіеўскім скверы на Дні адчыненых дзвярэй.
Каментары