«Усё, што мы рабілі, абсалютна законна і вельмі патрэбна»: Алексіевіч прыйшла на допыт у СК ФОТА
Нобелеўская лаўрэатка Святлана Алексіевіч прыбыла на допыт па крымінальнай справе ў Следчы камітэт. Алексіевіч выклікалі ў СК як члена прэзідыума Каардынацыйнай рады.
Людзі на вуліцы Фрунзэ каля Следчага камітэта віталі Святлану Алексіевіч авацыяй. Яе суправаджае ўвесь прэзідыум Каардынацыйнай рады. Яна падзякавала людзям за падтрымку.
«Я не баюся, — сказала яна. — Я адчуваю, што ўсё, што мы рабілі, гэта абсалютна законна. Больш за тое, гэта вельмі патрэбна. У нас на вачах творыцца нацыя. Кожны з нас ганарыцца беларускім народам. Калі мы бачым тысячныя рухі людзей, іх твары. Беларусы сталі народам, пра які даведаўся ўвесь свет. Ніводная вітрына не разбітая. Людзі так дастойна, так мірна сябе вядуць. А тое, што мы бачылі ў першыя тры дні, калі з людзей рабілі мяса, гэта ўжо мінулае стагоддзе. Мы розныя, але ў нас Беларусь — адна краіна. Нам у ёй жыць, разам жыць».
«Нам трэба быць разам, не саступаць. І кроў не павінна праліцца. Мы павінны перамагчы духам, сілай сваіх перакананняў», — кажа Алексіевіч.
Нобелеўская лаўрэатка кажа, што спадзяецца, што крыві не пральецца, і выказала спадзеў, што Беларусі дапаможа свет, у тым ліку Расія.
«Цяпер Лукашэнка гаворыць толькі з Пуціным. Трэба, каб ён пачаў гаварыць з народам. Для гэтага нам трэба будзе дапамога свету і, можа быць, нават Расіі, Пуціна, калі мы зможам яе прыцягнуць».
Допыт працягваўся 15-20 хвілін. У 14:45 пісьменніца выйшла з СК. На большасць пытанняў у СК яна адказаць адмовілася, скарыстаўшыся магчымасцю не сведчыць супраць сябе.
Што я мушу там адказваць, сказала яна журналістам. Гэтыя пытанні ў Мінску гучаць на кожным вуглу. «Я сказала, што мы не вядзем ніякай палітычнай гульні».
Таксама Святлана Алексіевіч сказала, што хацела б пакланіцца загінулым і тым, хто атрымаў калецтвы.
Прысутныя віталі яе воклічам: «Дзякуй»
-
«Я была як пад гіпнозам». Рэальныя гісторыі мінчукоў, якіх махляры прымусілі прадаць кватэры — адна сумная, другая амаль шчаслівая
-
У злітых файлах Эпштэйна ўсплыла яшчэ адна беларуска, мадэль і жонка футбаліста — расказваем, што пра яе вядома
-
«У вас ёсць любімая песня?» Знаёмцеся з Максатам — самым вядомым стрыт-відэографам Мінска
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары