Грамадства99

Надзея Скардзіна таксама падтрымала пратэстоўцаў: Беларусі нанесены велізарны іміджавы ўдар

У інтэрв'ю «Прэсболу» беларуская біятланістка, алімпійская чэмпіёнка падзялілася сваім бачаннем падзей, якія адбываюцца ў Беларусі. Спартсменка цяпер з мужам і сынам жыве ў Швейцарыі, але сочыць за грамадскім жыццём на радзіме. 

«Я пражыла ў Беларусі сямнаццаць гадоў, і гэта мая краіна. Сачыла за падзеямі яшчэ да выбараў, калі толькі пачалі з'яўляцца тыя, хто хацеў зарэгістравацца ў кандыдаты ў прэзідэнты. Ужо тады награвалася абстаноўка, стала неспакойна. Пацярпелі нават тыя, хто проста стаяў у чарзе ў краму нацыянальнай сімволікі…

Я асабіста ведаю людзей, якія хацелі стаць назіральнікамі на выбарах, але не праходзілі ў склад камісій — ні адзін з маіх знаёмых туды не прайшоў. Гэта таксама нагнятала абстаноўку. Але тое, што здарылася потым, — мне наогул было цяжка ўявіць такое.

Беларусі нанесены велізарны іміджавы ўдар. Калі раней былі нейкія намаганні дыпламатаў, яны распавядалі пра нашу краіну як пра бяспечнае і прыгожае месца ў цэнтры Еўропы, то цяпер усе старанні зведзены на нішто. Замежныя СМІ напоўнены рэпартажамі і фатаграфіямі, якія выклікаюць сапраўдны шок. Хто пасля такога захоча ехаць у Беларусь?

Дарэчы, швейцарскі барэц, які прыехаў на зборы ў Мінск, вырашыў прагуляцца па горадзе і таксама трапіў у разборкі. Правёў 6 сутак у ІЧУ. Але яму пашанцавала, калі зразумелі, што іншаземец. Яшчэ лёгка абышлося… Умяшаўся міністр замежных спраў Швейцарыі, Макей быццам бы паспрыяў.

Вядома, сачу не толькі за мясцовымі СМІ, але і за беларускімі. Чула версію, што тым, хто выходзіць на мітынгі, плацяць па 30-60 рублёў. Але калі я бачыла дзяўчат у белых сукенках з кветкамі, якія такім чынам аказвалі падтрымку суайчыннікам, чыста псіхалагічна я была салідарная з імі.

Некаторыя казалі, што лепш не ўнікаць у тое, што адбываецца, таму што гэта вельмі цяжка, а я мама і ў мяне маленькае дзіця. Я прымаю гэты пункт гледжання як падтрымку, але я проста не магу абыякава глядзець на тое, што адбываецца, не магу абстрагавацца: я жывы чалавек.

А яшчэ мне крыўдна, што да выбараў расіяне выстаўляліся ледзь не ворагамі, якія з дапамогай сваіх кандыдатаў у прэзідэнты хацелі пазбавіць Беларусь незалежнасці. Потым, праўда, мы зноў сталі найлепшымі сябрамі, якія павінны жыць разам — на агульнай зямлі ад Уладзівастока да Берасця. Як усё заблытана, так?

Для мяне відавочна, што нашы людзі не хочуць гвалту. Яны выходзяць выключна на мірныя пратэсты — пра гэта кажуць мае знаёмыя і сябры. Людзі толькі патрабуюць справядлівасці. Яны не робяць нічога дрэннага, яны проста выходзяць на вуліцу, а супраць іх — АМАП і вайскоўцы.

Здаецца, цяпер многія баяцца пацярпець за тое, што публічна выкажуць уласнае меркаванне. Але я зараз кажу, таму што я беларуска, мой сын — беларус.

Заўважыла, дарэчы, за сабой апошнім часам, што, калі ў мяне пытаюцца, адкуль я, адказваю: з Беларусі. Потым, праўда, дадаю, што нарадзілася ў Расіі і там цяпер жыве мая сям'я. Але ў душы і ў сэрцы я даўно беларуска, і мне не ўсё роўна, што адбываецца ў маёй краіне. Я падтрымліваю свой народ. Лічу, усё першапачаткова можна было б вырашыць мірным шляхам.

Адсутнасць дыялогу — гэта шлях у нікуды. Гэта ініцыюе яшчэ больш масавы пратэст, беларусы толькі набіраюцца злосці. Самае страшнае, што ўсё больш людзей губляюць веру ў законнасць. Таму нам вельмі патрэбны дыялог.

Каментары9

«Азначэнне Беларусі як выпаленай зямлі мне не падабаецца». Маналог беларуса, які нядаўна з’ехаў з краіны5

«Азначэнне Беларусі як выпаленай зямлі мне не падабаецца». Маналог беларуса, які нядаўна з’ехаў з краіны

Усе навіны →
Усе навіны

Пастаўкі расійскага газу ў Прыднястроўе адновяцца ў хуткім часе. У якасці гуманітарнай дапамогі4

У Мінпрацы назвалі топ-7 зменаў у бальнічным, якія дзейнічаюць з пачатку года

Гвалт і прымус да БДСМ. Ніла Геймана абвінавацілі ў сэксуальных злачынствах3

У Расіі выказалі меркаванне, чаму рэгулярна гараць беларускія аўтобусы4

«Камусьці тут трэба даць тры аплявухі». Фіца выказаўся пра падлетка, які не паціснуў руку прэзідэнту Славакіі16

Арына Сабаленка абвясціла пра хуткае завяршэнне кар'еры і стварэнне сям’і23

ЦВК палохае штрафам за фатаграфаванне выбарчага бюлетэня6

Мабільным аператарам забаранілі цішком падключаць платныя паслугі1

Махляры ад імя мытні «прадаюць» праз Instagram канфіскат1

больш чытаных навін
больш лайканых навін

«Азначэнне Беларусі як выпаленай зямлі мне не падабаецца». Маналог беларуса, які нядаўна з’ехаў з краіны5

«Азначэнне Беларусі як выпаленай зямлі мне не падабаецца». Маналог беларуса, які нядаўна з’ехаў з краіны

Галоўнае
Усе навіны →