На дадзены момант сітуацыя не дазваляе ўладам Украіны прапусціць на тэрыторыю дадатковую колькасць паломнікаў-хасідаў, паведаміў намеснік міністра замежных спраў краіны Яўген Енін, піша «Інтэрфакс».
«На сённяшні момант сітуацыя не дазваляе нам дазволіць пропуск ва Украіну дадатковай колькасці хасідаў, у прыватнасці тых паломнікаў, якія на сёння сабраліся на мяжы з Беларуссю. Мы пастаянна праводзім сумесна з калегамі з іншых ведамстваў тлумачальную працу, і рэакцыя, у прынцыпе, з'яўляецца дастаткова адэкватнай. Мы не фіксуем значных парушэнняў грамадскага парадку», — сказаў Енін у эфіры тэлеканала «Украіна 24» у сераду.
Па словах Еніна, на дадзены момант сітуацыя знаходзіцца пад кантролем кампетэнтных органаў дзяржаўнай улады, а ва Умані прымаюцца «надзвычай пільныя меры з мэтай максімальнай бяспекі тых паломнікаў, якія ўсё-ткі прыбылі да ўвядзення забароны на ўезд ва Украіну».
«Ім будзе забяспечана адпаведнае харчаванне, медыцынскае забеспячэнне. Будуць зведзеныя да мінімуму кантакты з мясцовым насельніцтвам, плануецца правядзенне дадатковага тэставання з тым, каб супакоіць мясцовае насельніцтва і пераканаць яго ў тым, што на сённяшні момант усе магчымыя меры па распаўсюджванні Covid на дадзеным этапе ўжытыя», — растлумачыў намеснік міністра.
Як паведамлялася, побач з пунктам пропуску «Новыя Ярылавічы» — «Новая Гута» раней сабраліся сотні паломнікаў-хасідаў, якія жадаюць трапіць ва Умань на святкаванне Рош ха-Шана, іудзейскага Новага года.
Беларускія памежнікі прапусцілі паломнікаў, але на тэрыторыю Украіны іх не ўпусцілі ў сувязі з абмежаваннямі на ўезд у краіну замежных грамадзян і асоб без грамадзянства, уведзеных гэтай краінай у мэтах барацьбы з распаўсюджваннем каранавіруснай інфекцыі.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным9
Каментары