Казулін, Пазняк і Шушкевіч абмеркавалі «Ўсходняе партнёрства»
Палітыкі прапанавалі дапоўніць умовы Еўрасаюзу палажэннем аб развіцці беларускай культуры, адукацыі і свабодзе творчасці.
У Варшаве адбылася сустрэча Зянона Пазняка, Станіслава Шушкевіча і Аляксандра Казуліна, на якой выпрацоўвалася ўзгодненая пазіцыя адносна праграмы «Ўсходняга партнёрства».Палітыкі палічылі неабходным, сярод іншага, акцэнтаваць увагу на праблеме, якая адрознівае Беларусь ад астатніх пяці краінаў, запрошаных для удзелу ў праграме, а менавіта — на стане беларускай культуры і адукацыі, а таксама свабодзе творчасці.
Як вядома, міністэрства замежных спраў Чэшскай Рэспублікі, якая цяпер старшынюе ў Еўрасаюзе, запрасіла ў Прагу ў час саміту «Ўсходняга партнёрства» старшыню Рады БНР Івонку Сурвілу, а таксама чатырох былых кандыдатаў у прэзідэнты Беларусі — удзельнікаў выбараў 1994 г. Зянона Пазняка і Станіслава Шушкевіча і ўдзельнікаў выбараў 2006 г. Аляксандра Казуліна і Аляксандра Мілінкевіча.
Цяпер чытаюць
«Кіберпартызанаў» крытыкуюць за ўзлом сайта Нацбібліятэкі — бо цяпер не працуе каталог. Тыя адказалі18
Каментары