Латушка заявіў, што ў найбліжэйшы час будуць звольненыя 30 дыпламатаў
Пра гэта экс-міністр культуры і экс-пасол напісаў у сваім тэлеграм-канале.
«30 беларускіх дыпламатаў будуць звольненыя ў найбліжэйшыя дні з дыпламатычнай службы Рэспублікі Беларусь. Гэта дадатковыя звальненні да вызвалення ад пасад паслоў Беларусі ў Іспаніі, Латвіі, Славакіі.
Звальняюць супрацоўнікаў цэнтральнага апарата МЗС і замежных устаноў Беларусі пры Еўрапейскім Саюзе, Латвіі, Польшчы, Індыі, ААЭ і іншых краінах», — напісаў ён.
«Звальняюць нават адзінага дыпламата ў МЗС Беларусі, які валодае інданезійскай мовай, маладых беларускіх дыпламатаў, выпускнікоў МДІМА.
Прычыны звальнення: размяшчэнне супрацоўнікамі ў асабістых сацыяльных сетках сваёй грамадзянскай пазіцыі аб нязгодзе з фальсіфікацыяй выбараў і актамі гвалту ў дачыненні да мірных дэманстрантаў з боку супрацоўнікаў АМАП, а таксама з-за адмовы фальсіфікаваць выбары.
Дзякуй Вам, дарагія калегі за вашу грамадзянскую пазіцыю!
«Гэта фактычна «чысткі» дыпкорпуса Беларусі. Пасля фіяска знешняй палітыкі Беларусі наступіў развал дыпламатычнай службы краіны. МЗС больш не лаяльны да адыходзячай улады!» — рэзюмаваў Латушка.
-
«Нацыянальная ідэнтычнасць — найважнейшы інструмент супраціву рускаму міру»: Ціханоўская выступіла на Форуме імя Касцюшкі
-
Шукаюць намесніка ідэолага Брэсцкай вобласці. Прафесійныя патрабаванні сціплыя, а заробак кучаравейшы, чым у Мінску
-
Праваабаронцы паведамілі пра 30 ператрусаў у сваякоў эмігрантаў
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?2
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары