На Нацыянальным прававым інтэрнэт-партале апублікаваныя змены ў пастанову Міністэрства аховы здароўя ад 10 красавіка 2020 года №36. У іх удакладнена, хто цяпер з'яўляецца кантактамі пры COVID-19, звяртае ўвагу Tut.by.
Цяпер кантактамі першага ўзроўню лічацца тыя, хто меў цесны кантакт з захварэлым на каранавірусную інфекцыю на працягу 4 дзён да і 10 дзён пасля з'яўлення ў яго сімптомаў захворвання.
Таксама да такіх кантактаў адносяцца тыя, хто кантактаваў з чалавекам з бессімптомнай каранавіруснай інфекцыяй на працягу 4 дзён да і 10 дзён пасля даты забору ў яго матэрыялу для даследавання на інфекцыю COVID-19.
Важна, што цесным кантактам лічыцца кантакт на працягу не менш за 15 хвілін на адлегласці менш за 1 метра без выкарыстання сродкаў індывідуальнай абароны органаў дыхання.
Да кантактаў другога ўзроўню адносяцца дзеці ва ўзросце да 10 гадоў, якія ходзяць у сады і школы і ў якіх быў кантакт:
з чалавекам, які мае інфекцыю COVID-19, на працягу 4 дзён да і 10 дзён пасля з'яўлення ў яго сімптомаў захворвання;
з чалавекам, які мае інфекцыю COVID-19 у бессімптомнай форме, на працягу 4 дзён да і 10 дзён пасля даты забору матэрыялу для даследавання на інфекцыю COVID-19 па месцы выхавання (вучобы).
Магчымым лічыцца кантакт на адлегласці ад 1 да 2 метраў без выкарыстання сродкаў індывідуальнай абароны органаў дыхання.
Раней кантактамі першага ўзроўню лічыліся людзі, якія мелі цесны кантакт з захварэлым на COVID-19 на працягу 14 каляндарных дзён з даты апошняга кантакту да атрымання станоўчага выніку лабараторнага абследавання.
-
«Нацыянальная ідэнтычнасць — найважнейшы інструмент супраціву рускаму міру»: Ціханоўская выступіла на Форуме імя Касцюшкі
-
Шукаюць намесніка ідэолага Брэсцкай вобласці. Прафесійныя патрабаванні сціплыя, а заробак кучаравейшы, чым у Мінску
-
Праваабаронцы паведамілі пра 30 ператрусаў у сваякоў эмігрантаў
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары