Пракурор Мінска палічыў спробу разабраць вадамёт гвалтам у адносінах да міліцыі
З-за вадамёта, што зламаўся ў Мінску 4 кастрычніка меркавана з-за дзеянняў пратэстуючых, завялі справу аб гвалце супраць супрацоўніка міліцыі. Пра гэта ў эфіры тэлеканала СТБ паведаміў пракурор Мінска Алег Лаўрухін.
Справу завялі па такім артыкуле, «паколькі за рулём гэтай спецмашыны знаходзіўся супрацоўнік [органаў унутраных спраў]», растлумачыў Лаўрухін.
«Такім чынам, гэтыя дзеянні (разукамплектаванне), накіраваныя на перашкоду гэтай дзейнасці, кваліфікуюцца як гвалт у дачыненні да супрацоўніка ў сувязі з выкананнем ім сваіх службовых абавязкаў», — мяркуе пракурор.
Каментары