Кіраўнік ГУБАЗіКа Карпянкоў: Мы гуманна выкарыстаем агнястрэльную зброю
Беларуская міліцыя супраць гвалту. Заўсёды была і застаецца з народам, абараняе правапарадак і гатова даць адэкватны і жорсткі адказ радыкалам і бандытам, якія спрабуюць навесці свае парадкі на вуліцах нашых гарадоў. Пра гэта ў эфіры БТ заявіў начальнік ГУБАЗіКа Мікалай Карпянкоў.
«Салдаты каляровай рэвалюцыі, «змагары». Па-сапраўднаму мужыкоў, якія любяць сваю краіну, там няма. Найлепшае іх параўнанне — арганізаваныя злачынныя групы паводле прынцыпу 90-х гадоў, якія хочуць на сацыяльных ліфтах з бандытаў, раней судзімых людзей падняцца і стаць ці палявымі камандзірамі, ці дэпутатамі, якіх ім шчодра абяцае Ціханоўская. Яны хочуць зарабіць грошай», — кажа ён.
«Я бачыў усе выбары, усе пратэсныя масы, якія былі ў 2001, 2006, 2010 і 2015 гадах. Такіх амаральных і цынічных асоб, якія ўдзельнічаюць у працэсе, я ніколі не сустракаў. Але мы верым у гуманнасць закону. Мы іх затрымаем. Вядома, калі яны пачнуць аказваць актыўны супраціў, мы вымушаны будзем выкарыстаць зброю для таго, каб абараніць грамадзян, абараніць правапарадак, каб нашы дзеці не бачылі вось гэтай вакханаліі. Не дамо ім разбурыць краіну. Мы, вядома ж, гуманна выкарыстаем зброю да іх, у тым ліку і агнястрэльную. І самых небяспечных «востракапытных» мы з вуліцы прымем», — заявіў Карпянкоў.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары