Настаўніца гісторыі звярнулася да свайго былога вучня — намесніка кіраўніка МУС Казакевіча ВІДЭА
З'явіўся відэазварот, запісаны Таццянай Монцік, якая кажа пра тое, што была настаўніцай гісторыі ў намесніка кіраўніка МУС Генадзя Казакевіча і экзаменатарам на ўступных іспытах у акадэмію МУС.
Па словах жанчыны, яна працавала настаўнікам гісторыі ў мінскіх школах №34 і 24.
Акрамя таго, кажа жанчына, яна была ў складзе экзаменацыйнай камісіі па гісторыі ў Акадэміі МУС.
«Я да гэтага часу не губляю веры ў вас і спадзяюся, што вы не здрадзілі асноватворным прынцыпам афіцэрскага гонару і доблесці. Я заклікаю вас не даваць і не выконваць злачынныя загады супраць свайго беларускага народа, каб дагадзіць аднаму чалавеку», — кажа настаўніца.
Яна звярнулася да суддзі суда Ленінскага раёна Марыны Запаснік і заклікала яе ўспомніць пра сапраўдныя закон і права.
Таксама жанчына звярнулася да намесніка міністра МУС Генадзя Казакевіча. Паводле яе слоў, ён быў адным з найлепшых яе вучняў, яны часта абмяркоўвалі і спрачаліся пра гістарычныя падзеі.
«Гена! Я выдатна ведаю, што ты супраць таго, што цяпер адбываецца… Не дай запэцкаць свой мундзір, свой гонар і сумленне. Ты не можаш здрадзіць мне, сям'і, беларускаму народу. Не забудзь урокі гісторыі. Гэтая ўлада ўжо мёртвая», — мяркуе жанчына.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары