Аляксандр Лукашэнка заклікаў кіраўнікоў дыпламатычных прадстаўніцтваў у Беларусі да больш інтэнсіўных і адкрытых зносінаў. Такую заяву ён зрабіў падчас сустрэчы з паслом Расіі Аляксандрам Сурыкавым, паведамляе прэс‑служба прэзідэнта.
Аляксандр Лукашэнка заявіў, што ў мэтах пазбягання інсінуацый у СМІ і палітычных колах ён гатовы адказаць шчыра на любыя пытанні замежных дыппрадстаўнікоў. «Гэта тычыцца ўсіх сфер, — зазначыў ён. — Да прыкладу, я гатовы паведаміць вам аб нядаўняй сустрэчы з прэзідэнтам Украіны, аб перспектывах нашага ўдзелу ва Усходнім партнёрстве, а таксама аб любых кадравых прызначэннях». Паводле слоў прэзідэнта, ён гатовы прыслухоўвацца да меркаванняў паслоў наконт тых ці іншых прызначэнняў на дзяржаўныя пасады.
У сваю чаргу Аляксандр Сурыкаў назваў рашэнне беларускага прэзідэнта аб серыі сустрэч з дыппрадстаўнікамі вельмі правільным і своечасовым, асабліва на фоне глабальнага эканамічнага крызісу.
Пасля пратакольнай сустрэчы Лукашэнка і Сурыкаў працягнулі размову ў фармаце «сам‑насам».
