У Празе на плошчы Палацкага прайшла дэманстрацыя супраць палітычнага рэжыму ў Беларусі, арганізаваная беларускімі недзяржаўнымі арганізацыямі ў Чэхіі.
У акцыі ўзялі ўдзел прыкладна 50 чалавек. Перад прысутнымі выступілі лідэры беларускай апазіцыі — Аляксандр Казулін, Зянон Пазняк, Станіслаў Шушкевіч, Івонка Сурвіла, якія знаходзяцца ў Празе.
Сурвіла ў сваёй прамове папрасіла «Божай дапамогі, каб усе старанні і намаганні беларускіх няўрадавых арганізацый па падтрыманні культуры Беларусі не былі марнымі».
Пазняк падкрэсліў важнасць таго, што беларускія апазіцыйныя лідэры, якія фактычна з’яўляюцца палітычнымі апанентамі адзін аднаго, знайшлі агульныя пазіцыі для супрацоўніцтва. Нельга дапусціць таго, каб «Лукашэнка, выкарыстаўшы Еўропу, легітымізаваў свой рэжым», заявіў палітык. «Асноўная прыкмета Беларусі — гэта наша культура. Мы не павінны страціць яе», — падкрэсліў Пазняк.
Арганізатары дэманстрацыі звярнулі ўвагу палітыкаў і жыхароў краін ЕС на «праблемы палітычных рэпрэсій у Беларусі». Удзельнікі мітынгу выказаліся ў падтрымку рашэння ЕС запрасіць Беларусь ва Усходняе партнёрства, але настойвалі на больш прынцыповай пазіцыі ў дачыненні да цяперашняй беларускай улады, бо «не лічаць яе легітымнай і дэмакратычнай».
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары