У Добрушы затрымалі 15-гадовага адміністратара тэлеграм-канала «Даныя карнікаў Беларусі»
Пра гэта паведаміла прэс-служба МУС.
Паводле інфармацыі міліцыі, падлетак у тэлеграме абнаўляў і размяшчаў інфармацыю пра супрацоўнікаў органаў унутраных спраў. Са слоў непаўналетняга, у жніўні яму напісаў невядомы, прапанаваўшы стварыць і адміністраваць тэлеграм-канал «Даныя карнікаў Беларусі», паведамляе МУС. Для гэтага трэба было рэпосціць звесткі з іншых падобных паблікаў.
У сярэдзіне жніўня школьнік стварыў такі канал — і размяшчаў там асабістыя звесткі міліцыянтаў. Акрамя гэтага, ён прасіў падпісчыкаў аб матэрыяльнай дапамозе для развіцця рэсурсу і падтрымкі пацярпелых людзей. Усе сродкі пералічваліся на біткойн-кашалёк адміністратара.
У дачыненні да падлетка праводзяць праверку, абяцаюць даць «прававую ацэнку па фактах паклёпу, публічнай абразы прадстаўніка ўлады ў сувязі з выкананнем ім службовых абавязкаў, незаконнага збірання альбо распаўсюджвання інфармацыі аб прыватным жыцці, махлярства».
Зараз праца тэлеграм-канала, у якім было больш за 7100 падпісчыкаў, кантралюецца міліцыяй.
Зазначаецца, што ўстаноўлены некаторыя падпісчыкі, якія накіроўвалі для публікацыі звесткі аб супрацоўніках сілавых структур.
-
«Я еду натхніцца ўкраінцамі». Святлана Ціханоўская пачала афіцыйны візіт ва Украіну
-
«Думалі, бандыты, аказалася — паліцыя». Удзельнікі перастрэлкі ў Польшчы расказалі сваю версію, але пытанняў менш не стала
-
З-за школьнай парты — у намёт на 15 чалавек. Як старшакласнікаў будуць прымусова рыхтаваць да службы
Каментары