Сабаленка: «Шмат бчб-людзей мяне ненавідзяць. Спачатку я рэальна думала: «Ну ўсё, мне піпец»
Падпісчыкаў тэнісісткі Арыны Сабаленкі ў інстаграме абурае тое, што спартсменка ніяк не выказваецца адносна жорсткіх падзей у Беларусі, разважае пра легкадумныя рэчы, калі вакол тысячамі церпяць людзі. У адказ падпісчыкі атрымліваюць грубыя адказы, а сама тэнісістка — хвалю хэйту ў адказ.
Падлівае смалы ў агонь заўзятая падтрымка з боку Сабаленкі кіраўніка хакейнага мінскага «Дынама» Дмітрыя Баскава, які стала ўдзельнічае ў пралукашэнкаўскіх мерапрыемствах.
Той самы допіс, які выклікаў бурную рэакцыю ў спартсменкі, пад ім больш за 2000 каментароў.
У інтэрв'ю каналу «Не по телику» Арына Сабаленка расказала пра хвалю абурэння з боку грамадства.
— Так, шмат бчб-людзей, як вы называеце, мяне ненавідзяць, але вельмі шмат прыляцела і «Маладзец, Арына», «Мы за такую ж пазіцыю». Спачатку я рэальна думала: «Ну ўсё, мне піпец».
Ці ёсць сярод знаёмых нехта, хто перастаў стасавацца са спартсменкай, запытаўся блогер.
«Пакуль я не заўважыла, каб праз маю пазіцыю людзі перасталі са мной стасавацца. Можа быць, яны перасталі мяне любіць, але як я ўжо казала ўсім хэйтэрам: «Хай!» У мяне ў прынцыпе кола зносінаў маленькае, і мабыць, маё кола зносінаў на маім баку, таму…
Так, спачатку прыляцела проста жэсць, пасля прыляцелі словы падтрымкі».
Чаму Сабаленка адказвала негатывам на негатыў?
«У мяне інстаграм лёгкі, пазітыўны, не залежыць ад нейкіх абставін. Калі пад звычайнай фатаграфіяй, дзе нічога не адбываецца, мне пішуць каментарый — я дакладна не ўспомню, — а я чалавек запальчывы, і гэта мая праблема, якая і на корце мне замінае. Я закіпаю, пасля пачынае даходзіць, што я зрабіла, — а шляху назад няма.
І наша выдатная «Трыбуна» — відаць, выдатныя людзі там працуюць, з аграмадным духоўным светам, — яны ўсё гэта падагрэлі — раздзьмулі скандал. Па сутнасці, чалавек абразіў мяне за лёгкасць у інстаграме і непадтрымку яго. Я заходжу на яго старонку і не разумею, чаму ён мяне асуджае, абражае. Ну я і выкідваю фразу: «А ты хто?» Сутнасць фразы ў тым, што ты мне ніхто, чаму ты мяне абражаеш. Гэтая фраза раздзьмулася, разляцелася», — так тэнісістка патлумачыла свае паводзіны.
«Спорт па-за палітыкай. Спартсмены займаюцца сваёй справай, палітыка — сваёй. Адзінае, што я за мір ва ўсім свеце. Каб, вяртаючыся ў родную Беларусь, я адчувала спакой і каб так было заўсёды. Усе супраць гвалту», — праясніла Арына сваю пазіцыю.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай2
Каментары