Спецаперацыя ў пратэсным ЖК «Каскад» — прыехала восем бусаў, сілавікі ломяцца ў кватэры
У мінскі жылы комплекс «Каскад» прыехалі мікрааўтобусы з людзьмі ў балаклавах, невядомыя пачалі хадзіць па пад’ездах.
Мясцовыя жыхары кажуць, што сілавікі спрабуюць трапіць у некаторыя кватэры з пастановамі аб вобшуку.
Людзі кажуць, што сілавікі ў чорным прыехалі каля 9:00. «Па перыметры квартала — каля дзесяці машын АМАПа, на вуліцы некалькі «ціхароў».
Сілавікі, па словах мясцовых, прыйшлі ў некалькі кватэр, распавядаюць аб узломах дзвярэй.
Жыхары кажуць, што сілавікі прыйшлі да людзей якія былі назіральнікамі на выбарах, піша Анлайнер.
«Узламалі мінімум чатыры кватэры, дзейнічалі дрылём і ломам. У людзей праводзяць ператрусы па нейкай крымінальнай справы. Цяпер сілавікі пайшлі па іншых кватэрах».
Таксама невядомыя ў чорным «знялі майткі» — між дамамі на расцяжцы вісела бел-чырвона-белая інсталяцыя ў выглядзе ніжняй бялізны.
«Каскад» — адзін з самых актыўных кварталаў Мінска. Тут масава вывешваюцца бел-чырвона-белыя сцягі, людзі ладзяць вечаровыя канцэрты.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары