Еўрасаюз прыгразіў Мінску новымі санкцыямі з-за гібелі Рамана Бандарэнкі
Гібель 31-гадовага беларуса Рамана Бандарэнкі ў Еўрасаюзе назвалі «абуральным і ганебным вынікам дзеянняў беларускіх уладаў» і заявілі пра гатоўнасць увесці дадатковыя санкцыі супраць Мінска.
Пра гэта гаворыцца ў заяве Вярхоўнага прадстаўніка ЕС па замежных справах Жозепа Барэля, апублікаванай на сайце Еўрасаюза.
«Еўрапейскі саюз ужо ўвёў санкцыі ў дачыненні да 55 асоб, вінаватых у гвалтоўных рэпрэсіях і запалохванні, і гатовы ўвесці дадатковыя санкцыі», — гаворыцца ў заяве.
«ЕС працягвае рашуча асуджаць гвалт, які ўжываецца беларускімі ўладамі супраць мірных дэманстрантаў, асоб, якія ўдзельнічаюць у прадэмакратычным руху, незалежных СМІ, прадстаўнікоў грамадзянскай супольнасці або простых беларускіх грамадзян», — адзначыў кіраўнік еўрапейскай дыпламатыі.
ЕС чакае, што беларускія ўлады спыняць гвалт, вызваляць усіх палітычных зняволеных і правядуць расследаванне ўсіх парушэнняў правоў чалавека, адзначыў Барэль.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары