Кіраўнікі дзяржаў і ўрадаў Еўрасаюза прынялі рашэнне пашырыць санкцыі супраць Турцыі з-за яе дзеянняў у Міжземным моры. Пра гэта гаворыцца ў заяве ўдзельнікаў саміту ЕС, які праходзіць у Бруселі, піша ТАСС.
«ЕС застаецца прыхільным абароне інтарэсаў саюза і краін-членаў, а таксама падтрыманню рэгіянальнай стабільнасці. У сувязі з гэтым саміт даручае Радзе ЕС прыняць дадатковы чорны спіс на падставе рашэння ад 11 лістапада 2019 года, што тычыцца абмежавальных мер з-за незаконнай дзейнасці Турцыі ў Міжземным моры», — адзначаецца ў ім.
Акрамя таго, лідары даручылі кіраўніку дыпламатыі ЕС Жазэпу Барэлю прадставіць да саміту ў сакавіку 2021 года іншыя варыянты пашырэння санкцый у дачыненні да Анкары.
У дакуменце падкрэсліваецца, што «Турцыя, на жаль, працягвае свае аднабаковыя і правакацыйныя дзеянні, а таксама ўзмацніла рыторыку супраць ЕС, краін-членаў ЕС і еўрапейскіх лідараў». Пры гэтым ЕС пацвярджае «стратэгічны інтарэс у развіцці ўзаемавыгадных адносін з Турцыяй» і адзначае, што «прапанова аб пазітыўным парадку» для Анкары ўсё яшчэ ў сіле. «Такі парадак мог бы ахапіць такія сферы, як эканоміка і гандаль, кантакты паміж грамадствамі, дыялог на высокім узроўні і супрацоўніцтва па міграцыйным пытанні. Еўрасаюз падкрэслівае важнасць захавання каналаў камунікацыі паміж ЕС і Турцыяй», - гаворыцца ў ім.
Акрамя таго, ЕС абяцае працягваць аказваць фінансавую падтрымку Турцыі для сірыйскіх бежанцаў, а таксама супрацоўнічаць у барацьбе з сеткамі нелегальных перавозчыкаў мігрантаў.
Нарэшце, у заяве саміту гаворыцца, што Еўрасаюз мае намер каардынаваць свае дзеянні і пастановы аб Турцыі з уладамі ЗША.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары