У Брэсце затрымалі партыю псіхатропаў з Сербіі на 3,5 мільёна даляраў
Беларускія мытнікі спынілі ўвоз буйной партыі псіхатропных сродкаў: 182 кг псіхатропаў мелі намер перамясціць праз беларуска-польскую мяжу і схаваць іх у прамысловым вентылятары, паведамляе брэсцкая мытня.
Грузавік MAN ішоў з Сербіі праз пункт пропуску «Казловічы». 42-гадовы грамадзянін Сербіі, кіроўца аўтацягніка, падаў да мытнага афармлення дакументы на ўвоз партыі прамысловага абсталявання.
Мытнікі з памежнікамі, прасканаваўшы грузавік спецыяльным абсталяваннем, выявілі ў грузавым адсеку дадатковы груз.
Як вынік, у прамысловым вентылятары знайшлі 89 палімерных пакетаў з таблеткамі і парашком, а таксама два палімерныя мяхі з рэчывам светла-карычневага колеру. Службовы сабака сваёй рэакцыяй паказаў на магчымую наяўнасць у іх забароненых рэчываў.
Камітэт судовых экспертыз высветліў, што прадметы з'яўляюцца асабліва небяспечнымі псіхатропнымі рэчывамі трох відаў: МДМА, амфетамін і метамфетамін.
Агульная вага кантрабанды — амаль 182 кг: такой колькасці псіхатропаў хапіла б больш чым на 600 тысяч доз. А агульны кошт на чорным рынку дасягае больш за 3,5 млн даляраў.
Грамадзяніна Сербіі ўзялі пад варту, распачалі крымінальную справу.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары