На Кубе стартуе грандыёзная грашовая рэформа. У краіне чакаецца рэзкі рост цэн
Кубінскія ўлады хочуць ліквідаваць сістэму з паралельным зваротам дзвюх афіцыйных валют і прывязаць кубінскі песа да адзінага курсу. У краіне чакаецца рэзкі рост цэн на тавары і паслугі, паведамляе Deutsche Welle.
На Кубе ў пятніцу, 1 студзеня, стартуе маштабная грашовая рэформа, закліканая ліквідаваць сістэму з паралельным зваротам дзвюх афіцыйных валют і прывязаць кубінскі песа да адзінага курсу.
Рэформу анансаваў 10 снежня прэзідэнт Кубы Мігель Дыяс-Канель, які ўзначальвае краіну з кастрычніка 2019 года.
«Створаны ўсе ўмовы для пачатку ўпарадкавання грашовай сістэмы з 1 студзеня 2021 года з адзіным абменным курсам 24 кубінскіх песа за даляр», — заявіў кіраўнік дзяржавы.
Як удакладняе Reuters, змяненні накіраваныя на тое, каб спрыяць рынкавым зменам эканомікі. Паводле ацэнак шэрагу экспертаў, былая дуальная сістэма і множныя прывязкі абменных курсаў, у прыватнасці, служылі непразрыстасці аперацый з дзяржаўнымі субсідыямі.
Чакаецца рэзкі рост цэн на тавары і паслугі
У сувязі з рэформай у краіне чакаецца рэзкі рост цэн на тавары і паслугі ў розных сферах — пачынаючы ад транспарту і заканчваючы электраэнергіяй.
Куба з 1994 года мела ў звароце дзве афіцыйныя валюты — кубінскі песа і кубінскі канверсоўны песа (CUC), які з моманту ўвядзення быў прызначаны, у прыватнасці, для замены даляра ЗША на тэрыторыі краіны.
Амерыканская валюта была канфіскавана на фоне санкцый з боку ЗША. Канверсоўным песа маглі расплачвацца, у прыватнасці, турысты, якія прыязджалі ў краіну. Курс даляра да CUC складаў прыкладна 1 да 24. У той час як кубінскі песа суадносіўся з доларам як 1 да 1, прычым курс заставаўся нязменным з часу Кубінскай рэвалюцыі 1953-59-х.
Частку зарплаты ў канверсоўных песа, якія лічацца цвёрдай валютай і якія даюць шэраг пераваг, атрымлівалі таксама супрацоўнікі дзяржаўных устаноў.
Уніфікацыя абедзвюх кубінскіх валют планавалася даўно, але эканамічная рэформа не прасоўвалася. Гэта было абумоўлена ў першую чаргу страхам перад некантралюемай гіперінфляцыяй.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары