Адзіны ў Беларусі доктар тэхнічных навук па спецыяльнасці «Тэхналогія і канструяванне вырабаў са скуры» Уладзімір Гарбачык памёр 2 студзеня на 82-м годзе жыцця, паведамляюць Народныя навіны Віцебска.
Уладзімір Гарбачык нарадзіўся ў 1939 г. у Саратаве. З 1969 года працаваў у Віцебскім тэхналагічным інстытуце лёгкай прамысловасці (цяпер ВДТУ). У 1974 годзе ён абараніў кандыдацкую дысертацыю, а ў 1998 — доктарскую. У 2000 Гарбачык стаў прафесарам.
З 1989 года ён узначальваў кафедру «Канструяванне і тэхналогія вырабаў са скуры», а апошнім часам працаваў на пасадзе прафесара кафедры «Канструяванне і тэхналогія адзення і абутку» ВДТУК, дзе чытаў дысцыпліны «Канструяванне вырабаў са скуры», «Канструяванне абутку», «Асновы канструктарска-тэхналагічнай падрыхтоўкі вытворчасці».
Уладзімір Гарбачык зарэгістраваў мноства патэнтаў, узнагароджаны шэрагам урадавых узнагарод СССР і Беларусі.
Цяпер чытаюць
Дзеля фіналу чэмпіянату свету мінскае метро працавала да 1:00. А матч скончыўся пазней2
Каментары