5 студзеня пайшоў з жыцця экс-намеснік кіраўніка Адміністрацыі прэзідэнта Міхаіл Сазонаў, пра гэта Tut.by распавяла ягоная жонка Раіса Дашкевіч. Міхаіл Юр'евіч уваходзіў у склад каманды Аляксандра Лукашэнкі, калі той упершыню ўдзельнічаў у прэзідэнцкіх выбарах у 1994 годзе.
Міхаілу Сазонаву было 64 гады. Апошні час ён моцна хварэў.
— Два месяцы ён правёў у кардыяцэнтры. Лёг ён з сэрцам, там заразіўся яшчэ каранавірусам, — распавяла Раіса Дашкевіч.
Міхаіл Сазонаў скончыў геаграфічны факультэт БДУ. Працаваў геолагам у навукова-даследчых і інжынерна-даследчых арганізацыях. У 1980-х перайшоў у МУС. Займаўся барацьбой з эканамічнай злачыннасцю і карупцыяй. Працуючы ў міліцыі, атрымаў юрыдычную адукацыю. Удзельнічаў у ліквідацыі аварыі на ЧАЭС.
У 1993 годзе з пасады намесніка начальніка Рэспубліканскага ўпраўлення па барацьбе з эканамічнай злачыннасцю быў накіраваны ў парламенцкую антыкарупцыйную камісію, якую ўзначальваў Аляксандр Лукашэнка. Падчас перадвыбарнай кампаніі, калі абіралі першага прэзідэнта Беларусі, быў адным з кіраўнікоў штаба ў камандзе Лукашэнкі.
З 1994 года Сазонаў працаваў у Адміністрацыі прэзідэнта. Быў намеснікам і першым намеснікам кіраўніка.
З 1999 года па 2000 год, знаходзячыся на пасадзе памочніка прэзідэнта, удзельнічаў у падрыхтоўцы дагавора аб стварэнні Саюзнай дзяржавы.
У 2000 годзе сышоў у адстаўку з дзяржаўнай службы і заняўся бізнэсам.
Развітанне з Міхаілам Сазонавым пройдзе сёння, 8 студзеня, па адрасе: Мінск, вул. Кульман, 33 з 12.00 да 14.00.
-
На Беласточчыне прайшоў фестываль беларускай традыцыі Soncahraj ФОТЫ
-
Жонка Аляксандра Мілінкевіча расказала пра ягоны стан: памяць захавалася, але з рухальным апаратам вялікія праблемы
-
«Я ў калоніі быў больш вольны». Былы палітвязень Тамаз Піпія расказаў пра 6 гадоў за кратамі і новую паранаідальную беларускую рэальнасць
Каментары