У найбліжэйшыя дні французскія ўлады могуць абвясціць новы, трэці па ліку, каранцін з-за каранавіруса, паведамляе газета Le Journal du Dimanche.
Абвяшчэнне чарговага каранціну звязана з хуткімі тэмпамі распаўсюду ў Францыі «брытанскага» варыянта каранавіруса і новага штама з ПАР.
Выступленне прэзідэнта Францыі Эманюэля Макрона па пытанні новых абмежаванняў павінна адбыцца ў сераду, 27 студзеня, пасля прысвечанага гэтаму пытанню пасяджэння Савета па абароне, удакладняе газета. Рэжым новага каранціну ўступіць у сілу да канца будучага тыдня і «будзе доўжыцца не менш за тры тыдні», паведамілі суразмоўцы выдання.
Першы рэжым каранціну ў Францыі быў уведзены з-за распаўсюджвання каранавіруса 17 сакавіка мінулага года і дзейнічаў да 11 мая. Другі каранцін быў абвешчаны 30 кастрычніка і дзейнічаў да 15 снежня. Зараз у Францыі застаецца ў сіле каменданцкая гадзіна з 18:00 да 06:00, зачыненыя ўсе рэстараны і кафэ, тэатры, кінатэатры і музеі, а таксама спартыўныя аб'екты.
Паводле звестак Міністэрства аховы здароўя Францыі, колькасць заражаных каранавірусам у краіне перавысіла 3 млн, памерлі 72,8 тыс. чалавек. За апошнія суткі ў Францыі выявілі 23,9 тыс.новых выпадкаў COVID-19.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары