Прайшлі перарэгістрацыю пасля ўступлення ў сілу новага Закона аб сродках масавай інфармацыі. Шэраг незалежных выданняў дагэтуль знаходзяцца па-за дзяржаўнай сістэмай распаўсюду.
Прайшлі перарэгістрацыю пасля ўступлення ў сілу новага Закона аб сродках масавай інфармацыі. Шэраг незалежных выданняў дагэтуль знаходзяцца па-за дзяржаўнай сістэмай распаўсюду.
Новы закон аб СМІ, у адпаведнасці з якім усе сродкі масавай інфармацыі павінны прайсці перарэгістрацыю на працягу года, уступіў у сілу з 8 лютага 2009 года. Па стане на 8 лютага ў Беларусі ўсяго налічвалася 1 тыс. 314 СМІ, у тым ліку 663 газеты, 594 часопісы, 42 бюлетэні, 6 каталогаў, 9 інфармацыйных агенцтваў.
Амаль за 4 месяцы, што прайшлі з моманту ўступлення ў сілу закона, перарэгістраваліся 315 выданняў, 1 інфармацыйнае агенцтва, паведамляе БЕЛТА. Акрамя 306 газет і часопісаў гэта 6 бюлетэняў, 2 каталогі, 1 інфармацыйнае агенцтва.
Былі зарэгістраваныя 62 новыя сродкі масавай інфармацыі — 28 газет (27 недзяржаўных), і 34 часопісы, таксама недзяржаўныя.
Акрамя таго, прайшлі перарэгістрацыю 13 радыёпраграм і 16 тэлепраграм. На момант уступлення ў сілу «Закона аб СМІ» існавала 158 радыёпраграм і 71 тэлепраграма. Зарэгістраваныя 2 новыя радыёпраграмы і 4 тэлепраграмы.
Варта адзначыць, што больш за дзесятак недзяржаўных выданняў, пераважна рэгіянальных, дагэтуль застаюцца па-за дзяржаўнай сістэмай распаўсюду. Рэдакцыі «Бабруйскага кур’еру», «Вольнага Глыбокага», «Газеты Слонімскай», «Intex-press» ды іншых газет чакаюць станоўчага адказу ад кіраўніцтва Белсаюздруку і Белпошты. Не атрымаў акрэдытацыі пры МЗС і першы незалежны спадарожнікавы тэлеканал «Белсат».
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары