У Беларусі будуць адзначаць Дзень студэнцтва. Але не 17 лістапада і не 25 студзеня
Падчас візіту Аляксандра Лукашэнкі ў БДУ студэнт факультэта журналістыкі Максім Цюцянькоў прапанаваў заснаваць у краіне новае свята — Дзень беларускага студэнцтва.
Паводле яго слоў, 17 лістапада адзначаецца Міжнародны дзень салідарнасці студэнтаў, а 25 студзеня — Таццянін дзень, які таксама лічыцца днём студэнтаў.
Аднак малады чалавек лічыць, што неабходна нацыянальнае свята для студэнтаў, і нават прапанаваў для яго дату 25 лютага, паколькі ў 1919 годзе ў гэты дзень быў прыняты дэкрэт аб стварэнні ў Мінску дзяржаўнага ўніверсітэта, паведамляе БелТА.
Лукашэнка пазітыўна ацаніў гэту ініцыятыву і прапанаваў маладому чалавеку заняцца юрыдычным афармленнем гэтай прапановы. «Рашэнне прынята: фарміруй калектыў, займайся», — адрэагаваў ён.
«Не спяшайцеся, але і не зацягвайце, — сказаў Лукашэнка. — Вельмі добрая ініцыятыва. Да лета рэалізуем».
Каментары