Работнікі праваахоўных органаў з раніцы працуюць у бізнэс-цэнтры «Дэльта» на Ціміразева, 72. Іх цікавасць тычыцца паверхаў, на якіх размешчаны офіс кампаніі «Грынрозніца», якая прадстаўляе гіпермаркеты Green, піша Tut.by.
— З самай раніцы, з васьмі гадзін, на трэцім-чацвёртым паверхах бізнэс-цэнтра «Дэльта» стаяць хлопцы маладыя — кантралююць усё. Тут размешчаны офісы кампаніі Green. Унізе — шэрая Газэль з таніраваным шклом, — паведаміў чытач.
Сапраўды, офіс кампаніі ТАА «Грынрозніца» знаходзіцца ў гэтым бізнэс-цэнтры.
Пакуль невядома, хто менавіта з сілавых органаў працуе на месцы. Прыехалі — у цывільным. Паводле інфармацыі супрацоўнікаў бізнэс-цэнтра і аднаго са сваякоў супрацоўнікаў кампаніі, у офісе — спецыялісты Дэпартамента фінансавых расследаванняў.
— Супрацоўнікі офіса выходзяць пакурыць у суправаджэнні гэтых хлопцаў, — кажа сведка. — І вяртаюцца назад.
Tut.by ужо некалькі гадзін спрабуе звязацца з супрацоўнікамі кампаніі «Грынрозніца» — пакуль беспаспяхова: тэлефоны ў асноўным недаступныя. Некалькі чытачоў паведамілі, што іх родныя, якія працуюць у офісе, не выходзяць на сувязь.
У Дэпартаменце фінансавых расследаванняў адмовіліся ад каментароў па гэтай тэме, удакладніўшы, што не могуць ні пацвердзіць, ні абвергнуць інфармацыю.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары