У мінскім аэрапорце можна здаць кавід-тэст метадам ПЛР для выезду за мяжу, вынік — праз 160 хвілін
На тэрыторыі Нацыянальнага аэрапорта ўсе ахвотныя могуць прайсці лабараторнае тэставанне на COVID-19 метадамі ПЛР (палімеразная ланцуговая рэакцыя) і ІХА (імунахраматаграфічны аналіз), паведамляецца на афіцыйным сайце.
Пункт тэставання размешчаны ў 5-6-м сектары ў агульнадаступнай зоне да праходжання перадпалётных працэдур у зоне вылету.
Вынікі тэставання, выкананага метадам ІХА, будуць гатовыя праз 15-20 хвілін, час выканання лабараторнага даследавання метадам ПЛР — 160 хвілін.
Час працы лабараторыі: панядзелак-пятніца з 9.00 да 18.00;
— для пасажыраў, якія вылятаюць у Амстэрдам — з 6.00 да 9.45 (уключаючы суботу і нядзелю).
Кошт даследавання метадам ІХА: для грамадзян Беларусі — 44 рублі 69 капеек, для замежных грамадзян — 48,48 капеек.
Кошт тэставання метадам ПЛР: для грамадзян Беларусі — 39,80 рублёў, для замежных грамадзян — 57,58 руб.
Вынікі даследавання метадам ПЛР выдаюцца на рускай і англійскай мовах і пасуюць для выезду за мяжу.
Каментары