Сілавікі выразалі дзверы і ўвайшлі ў пратэстанцкую царкву «Новае жыццё»
Яны запатрабавалі ад вернікаў пакінуць будынак, размешчаны на Кавалёва, 72 у Сухараве, і вынесці рэчы.
Вось што адбывалася ў царкве:
Вернікі спачатку працягвалі маліцца і ігнаравалі міліцыянтаў. Тады тыя сталі забіраць у верніка мікрафон.
«Прыгразілі яму 15 суткамі за непадпарадкаванне, калі ён мікрафона не аддасць, — расказала «Нашай Ніве» верніца Ніна. — Судовы прыстаў паведаміў, што, калі вернікі не пакінуць будынак, то на іх накладуць штрафы і арыштуюць».
Урэшце вернікі сталі выходзіць з царквы і выносіць абсталяванне.
Гісторыя супрацьстаяння ўладаў і царквы цягнецца з 2005 года: менавіта тады горад вырашыў выселіць «Новае жыццё» з займанага ім будынка, пабудаванага яшчэ ў 1992 годзе. Тады назіральнікі гэта звязалі з актыўным удзелам пратэстантаў у барацьбе за свабодныя выбары і правы чалавека.
Ціск на вернікаў, якія, на думку гарадскіх уладаў, павінны тэрмінова і назаўжды пакінуць будынак, узмацніўся ў пачатку 2021 года. Варта адзначыць, што ў 2020-м пастар «Новага жыцця» зноў рэзка асудзіў беззаконні і зверствы.
Паводле змен, якія былі ўнесены ў праект дэталёвага планавання Сухарава і ўхвалены ў 2019 годзе, на месцы царквы павінна вырасці школа. Але застаецца без адказу пытанне, чаму школу трэба ставіць менавіта на месцы, дзе ўжо 20 гадоў дзейнічае жывая і вялікая царкоўная грамада.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?4
Каментары