Кіраўнік апазіцыйнай партыі «Адзіны нацыянальны рух», якую называюць партыяй Саакашвілі, Ніка Мелія затрыманы ў Тбілісі. Пра гэта паведамляе тэлеканал Rustavi 2.
Cпецназ затрымаў Мелію ў офісе Партыі, ужыўшы слезацечны газ падчас аперацыі. Паводле інфармацыі грузінскага Першага канала, разам з палітыкам за супраціў паліцыі затрыманыя больш за дзесяць чалавек, у тым ліку апазіцыянер Іраклій Надзірадзэ.
У сераду, 17 лютага, Тбіліскі гарадскі суд завочна арыштаваў яго па справе аб беспарадках 2019 года. Пасля гэтага да офісу АНР прыехалі прыхільнікі ўсіх апазіцыйных сілаў у краіне. Яны дзяжурылі там усю ноч, паабяцаўшы, што не дадуць арыштаваць Мелію. На наступны дзень прэм'ер-міністр Георгій Гахарыя сышоў у адстаўку. Ён заявіў аб нязгодзе з рашэннем аб зняволенні Меліі.
Крымінальная справа супраць Нікі Меліі было распачата ў чэрвені 2019 года. Яго абвінавачваюць у арганізацыі і ўдзеле ў масавых беспарадках у чэрвені 2019 года, якія завяршыліся спробай штурму парламента.
20 і 21 чэрвеня 2019-га ў грузінскім парламенце праходзіла сесія Генасамблеі Міжпарламенцкай асамблеі праваслаўя.
Згодна з зацверджаным пратаколам, крэсла спікера заняў прэзідэнт Асамблеі дэпутат Дзярждумы Сяргей Гаўрылаў. Апазіцыя, абурыўшыся гэтым, сарвала мерапрыемства і вывела людзей на акцыю пратэсту. Падчас беспарадкаў пацярпелі 240 чалавек, больш за 300 былі затрыманыя.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары