Па колькасці самагубстваў у Еўрасаюзе лідзіруе Літва. А што з гэтым у Беларусі?
У 2023 годзе Літва мела самы высокі ў Еўрапейскім саюзе паказчык смяротнасці ад самагубстваў — 18,8 выпадку на 100 тысяч жыхароў. Усяго ў краінах ЕС, паводле звестак Еўрастата, за гэты год у выніку наўмыснага прычынення сабе шкоды памерлі 48,3 тысячы чалавек, паведамляе Thinktanks.pro.
Пасля Літвы найвышэйшыя паказчыкі былі ў Славеніі — 16,4 выпадку на 100 тысяч жыхароў, і Венгрыі — 16,1. Найніжэйшая смяротнасць ад самагубстваў была на Кіпры — 3,5 выпадкаў, у Грэцыі — 4,3 і на Мальце — 5,5.
У краінах ЕС узровень смяротнасці ад самагубстваў у цэлым павялічваецца з узростам. Сярод дзяцей да 15 гадоў ён складаў 0,2 выпадку на 100 тысяч чалавек, а сярод людзей ва ўзросце 65 гадоў і старэй — 17,3 выпадку. У мужчын паказчык быў вышэйшы ва ўсіх узроставых групах, за выключэннем дзяцей да 15 гадоў, дзе паказчыкі для хлопчыкаў і дзяўчынак былі прыкладна аднолькавымі.
У Беларусі афіцыйная статыстыка смяротнасці ад самагубстваў не публікуецца ў адкрытым доступе. Аднак адпаведныя звесткі прыводзяцца ў артыкуле, апублікаваным у выданні «Социологический альманах».
Паводле гэтых даных, найбольш высокі ўзровень самагубстваў у Беларусі быў зафіксаваны ў 1990‑я гады. Калі ў сярэдзіне 1980‑х гадоў ён складаў каля 23 выпадкаў на 100 тысяч насельніцтва, то ў 1996 годзе дасягнуў 47,8 выпадку на 100 тысяч.
У 2023 годзе ў Беларусі на 100 тысяч насельніцтва прыпадала 15 самагубстваў. Гэта было менш за паказчык Літвы, але больш за сярэдні ўзровень у ЕС.
Пры гэтым у Беларусі існуе значная розніца паміж горадам і вёскай. Паводле медыцынскай статыстыкі за 2023 год, у гарадах паказчык складаў каля 11,3 выпадку на 100 тысяч жыхароў, а ў сельскай мясцовасці — 28,6 выпадку. Такім чынам, у вёсках узровень быў больш чым у два з паловай разы вышэйшы, чым у гарадах.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў101
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары
GDP PPP адрозніваецца ў разы, а ў Літуве самагубствы - на некалькі працэнтаў.
А калі б "органы" кваліфікавалі ўсе рэальныя самагубствы, а не няшчасныя выпадкі адпаведна рэальным, то было б невядома, у каго які узровень "ціску ВУП"