26 лютага адбылося першае прымяненне ваеннай сілы пры адміністрацыі Байдэна. Удар быў нанесены па праіранскім апалчэнні ў Сірыі. У Пентагоне патлумачылі, што гэта быў адказ ЗША на нядаўнія атакі на амерыканскія базы ў Іраку.
Выданне The Wall Street Journal паведамляе, што першапачаткова планаваліся два авіяўдары па дзвюх цэлях у Сірыі на загад Байдэна. Аднак за 30 хвілін да запланаванай атакі прэзідэнт адмяніў удар па адной з цэляў.
Па звестках разведкі, у двор будынка, па якім планавалася ўдарыць, зайшла жанчына з дзецьмі. Таму адзін удар было вырашана адмяніць.
Таксама ЗША накіравалі канфідэнцыяльнае паведамленне ў Тэгеран, змест якога чыноўнікі не раскрылі.
«Мы скаардынавалі дыпламатычны і ваенны план. Мы пераканаліся, што іранцы ведаюць пра наш намер», — пракаментаваў сітуацыю адзін з прадстаўнікоў адміністрацыі.
Сам Байдэн сцвярджае, што ўдар быў неабходны для абароны амерыканскіх войскаў. Ён быў праведзены ў начны час, каб звесці ахвяры да мінімуму.
Трамп часта адзначаў, што для яго нагодай для ваенных дзеянняў з боку ЗША з’яўляецца смерць амерыканца за мяжой. Байдэн, у сваю чаргу, прадэманстраваў, што любая атака на амерыканскія ваенныя сілы не застанецца беспакаранай.
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
-
Еменскія хусіты выставілі ўльтыматум Трампу: яны пагражаюць закрыць яшчэ адзін ключавы марскі праліў
Каментары