Генпракуратура: Новы закон аб барацьбе з экстрэмізмам пад пратэсную сімволіку не пісалі
Новы закон «Аб супрацьдзеянні экстрэмізму» не пісаўся пад бел-чырвона-белую сімволіку. Пра гэта заявілі прадстаўнікі Генпракуратуры на брыфінгу, прысвечаным новай рэдакцыі закона «Аб супрацьдзеянні экстрэмізму», паведамляе interfax.by.
Начальнік аддзела па наглядзе за выкананнем заканадаўства аб дзяржаўнай бяспецы Генпракуратуры Валерый Шуляк нагадаў, што любая атрыбутыка і сімволіка могуць быць прызнаныя экстрэмісцкімі матэрыяламі толькі па рашэнні суда.
— Ніхто закон пад бел-чырвона-белую сімволіку не пісаў і рэдагаваў, — запэўніў ён і дадаў, што на стадыі напісання законапраекта спісы забароненай сімволікі не складаліся.
— У любым законе выкладзеныя агульныя правілы. І якія-небудзь канкрэтныя выпадкі ў законе не разглядаюцца. Гэта ў поўнай меры адносіцца да бел-чырвона-белай сімволікі, чырвона-чорна-зялёнай і любой іншай. У законе ўстанаўліваюцца агульныя правілы прызнання той ці іншай сімволікі экстрэмісцкай, — растлумачыў Шуляк.
Паводле яго слоў, сімволіка можа быць прызнана забароненай, калі выкарыстоўваецца для ўключэння ў экстрэмісцкую дзейнасць, для прапаганды экстрэмізму і яго апраўдання.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў20
Каментары