У апошнія месяцы Twitter вёў перамовы аб куплі сацыяльнай сеткі Сlubhouse, паведаміў Bloomberg.
Бакі абмяркоўвалі кошт кампаніі ў раёне $4 млрд. Аднак цяпер перамовы не вядуцца, і пакуль незразумела, чаму абмеркаванне спынілася.
У аўторак, 6 красавіка, Bloomberg са спасылкай на крыніцы паведамляў, што Clubhouse вядзе перамовы па пытанні прыцягнення сродкаў, прычым, пра якія сумы ішла гаворка і хто мог бы выступіць інвестарам, не паведамлялася.
Clubhouse — маладая сацыяльная сетка, якая была запушчана ў 2020 годзе. Камунікацыя ў ёй адбываецца праз аўдыячаты. Трапіць у дадатак можна альбо праз запрашэнне ад карыстальніка сацыяльнай сеткі, альбо дачакаўшыся сваёй чаргі на рэгістрацыю.
У лютым Clubhouse стаў трэцім дадаткам па колькасці загрузак пасля WhatsАpp і Facebook. Да сярэдзіны сакавіка колькасць загрузак Clubhouse ў свеце склала 12,7 млн.
Каментары