Amazon пачынае распаўсюджваць інавацыйную сістэму аплаты: цяпер можна разлічвацца адным рухам далоні
Кампанія Amazon уводзіць у сваю сетку супермаркетаў Whole Foods біяметрычную тэхналогію аплаты. Пакупнікі змогуць аплачваць тавары шляхам сканавання далоні.
З дапамогай тэхналогіі Amazon One пакупнік можа паднесці далонь да прылады, што счытвае адбітак, і тым самым хутка здзейсніць аплату ў краме, паведамляе The Washington Post.
Кампанія пачала тэсціраваць гэту тэхналогію яшчэ летась у верасні. Эксперыменты прайшлі паспяхова, і пакупнікі былі задаволеныя магчымасцю плаціць рухам далоні, без неабходнасці даставаць картку, гаджэт ці наяўныя грошы.
Каб пачаць аплачваць тавар далонню, трэба прайсці сістэму рэгістрацыі. Для гэтага ў крамах будуць усталяваныя адмысловыя прылады, якія ствараюць унікальны адбітак далоні з дапамогай камп’ютарнага зроку. Трэба ўсяго толькі прасканаваць абодва бакі далоні некалькі хвілін, каб звязаць адбітак з карткай, а затым можна адразу карыстацца новай тэхналогіяй.
Некаторыя эксперты асцерагаюцца, што пакупнікі рызыкуюць, калі перадаюць свае біяметрычныя звесткі кампаніям. Аднак Amazon пераконвае, што тэхналогія цалкам бяспечная, а сканаванне далоні больш канфідэнцыяльнае, чым іншыя біяметрычныя альтэрнатывы, напрыклад, распазнаванне твару.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе27
Каментары