У лесе каля вёскі Боркі Пінскага раёна воўк спрабаваў напасці на людзей. Пошукам драпежніка заняліся паляўнічыя і памежнікі, паведамляе БелТА.
«26 красавіка на поўдні Пінскага раёна зноў аб'явіўся агрэсіўны воўк. У лясным масіве ў ваколіцах памежнай вёскі Боркі Ласіцкага сельсавета дзікі звер патрывожыў людзей. Драпежнік выйшаў да працоўных леснікоў, стаў набліжацца, скаліўся і рыкаў. Мужчыны селі ў машыну і пакінулі лес», — распавялі ў Пінскім райвыканкаме.
«Па знешніх прыкметах воўк выглядае і паводзіць сябе як шалёны: шэрсць касмыкаватая, хада млявая, накульгваў», — адзначылі ў райвыканкаме. Шаленства пацвердзілася і ў ваўка, які атакаваў суседні з Боркамі Ласіцк 5 красавіка. Тады драпежнік пакусаў трох людзей і некалькі хатніх жывёл. На наступны дзень яго застрэліў егер.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары