РІА «Новости»: ЕС абмяркоўвае забарону на транзіт расійскага газу праз Беларусь
У такім выпадку Расія вымушаная была б павялічыць перапампоўванне газу праз Украіну, а «Газпром трансгаз Беларусь», адзін з галоўных платнікаў падаткаў у краіне, застаўся б без прыбытку. Акрамя таго, Масква страціла б магчымасць транзіту па газаправодзе «Ямал Еўропа».
«Кіраўнік дыпламатыі ЕС заявіў, што два напрамкі санкцый па Беларусі, што абмяркоўваюцца кіраўнікамі МЗС, — экспарт калійных угнаенняў і транзіт расійскага газу», — паведаміла ў сваім тэлеграм-канале агенцтва «РІА Новості».
У выпадку забароны на транзіт расійскага газу праз Беларусь Масква вымушаная была б пусціць больш газу праз Украіну, што прынесла б вялізную фінансавую выгаду паўднёвай суседцы Беларусі. Акрамя таго, гэта стварыла б моцны фінансавы матыў для Масквы, каб спыніць падтрымку Аляксандра Лукашэнкі.
Такі варыянт стаў тэхнічна магчымы, дзякуючы дыверсіфікацыі крыніц паставак энерганосьбітаў у краіны Усходняй Еўропы — літоўскаму газаваму тэрміналу ў Клайпедзе, перамычкам між Украінай, Польшчай, Славакіяй і Венгрыяй.
Фінансавы ўдар па беларускіх уладах ад забароны транзіту газу быў бы, напэўна, у сухой рэшце большы, чым ад санкцый супраць «Беларуськалія». У выпадку «Беларуськалія» беларускую долю рынку перахапіў бы расійскі «Уралкалій», тады як пры змене кірункаў транзіту газу выгадаатрымальнікамі сталі б Украіна, Славакія і Венгрыя.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары