Лукашэнка і Пуцін правялі перамовы ў Сочы. Дамовіліся аб другім траншы крэдыту і палётах «Белавіі» па Расіі
Прэзідэнт Расіі Уладзімір Пуцін і Аляксандр Лукашэнка на перамовах у Сочы абмяркоўвалі ў асноўным гандлёва-эканамічныя адносіны і барацьбу з пандэміяй. Пра гэта журналістам у суботу распавёў прэс-сакратар прэзідэнта Расіі Дзмітрый Пяскоў, піша ТАСС.
Па словах прадстаўніка Крамля, у пятніцу былі афіцыйныя перамовы лідараў, а ў суботу — нефармальная частка.
Пяскоў паведаміў, што другі транш крэдыту ад Расіі у $500 млн з 1,5 млрд Мінск атрымае найбліжэйшым часам, да канца чэрвеня, ніякіх перашкод няма, усё ўзгоднена.
Пяскоў паведаміў, што тэму пераходу да адзінай валюты Пуцін і Лукашэнка ў Сочы не закраналі. Лукашэнка не ставіў пытанне аб дадатковай эканамічнай дапамозе Беларусі.
Высновы еўрапейскіх краін па інцыдэнце з самалётам Ryanair заснаваныя выключна на эмоцыях, а не на спробе растлумачыць абставіны. З пункту гледжання Масквы сітуацыя патрабуе ўдумлівага і канструктыўнага разгляду, заявіў Пяскоў.
Пуцін і Лукашэнка даручылі Міністэрствам транспарту дзвюх краін «арганізаваць усе аспекты паветраных зносін».
«Мінтрансам дзвюх краін — Расіі і Беларусі — дадзена даручэнне арганізаваць усе аспекты паветраных зносін, у тым ліку з улікам надыходзячага перыяду адпачынкаў і з улікам вялікай колькасці грамадзян Беларусі, якія хочуць прыехаць на Чарнаморскае ўзбярэжжа Расіі, а таксама, што немалаважна, з улікам таго, што вялікай колькасці грамадзян Беларусі трэба будзе неяк вяртацца на сваю радзіму», — сказаў прадстаўнік Крамля.
«Абмяркоўваліся пытанні арганізацыі паветранага руху з улікам рашэння еўрапейскіх уладаў, многіх авіякампаній, якія перасталі лятаць праз паветраную прастору, з улікам таго, што «Белавія» больш нежаданы госць у еўрапейскіх гарадах», — адзначыў прадстаўнік Крамля.
Расійскі лідар падняў пытанне затрыманай у Мінску грамадзянкі Расіі Сапега, яе лёс Маскве неабыякавы. Ён даручыў МЗС Расіі самым уважлівым чынам адсочваць справу расіянкі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары