Ва ўсе рэгіёны Беларусі дастаўлены 180 тысяч доз другога кампанента «Спутніка V»
У Беларусі працягваецца вакцынацыя супраць COVID-19. Міністэрства аховы здароўя атрымала з Расіі дазвол на выкарыстанне 180 тысяч доз другога кампанента прэпарата «Спутнік V», паведамілі ў міністэрстве.
Напярэдадні ўвечары спецыялісты РУП «Белфармацыя» даставілі партыі вакцыны ва ўсе рэгіёны. Сёння ў многіх паліклініках краіны праводзіцца вакцынацыя першай або другой дозай. Гаворка ідзе аб прэпараце «Спутнік V», які выраблены на магутнасцях «Белмедпрэпаратаў».
У краіне больш за 690 тысяч чалавек атрымалі першую дозу вакцыны супраць COVID-19, з іх звыш 380 тысяч прайшлі поўны курс вакцынацыі.
Інтэрвал паміж увядзеннем першага і другога кампанента расійскай вакцыны «Спутнік V» можа быць ад 21 да 90 дзён.
Каментары