Навуковец расказаў, калі людзі дабяруцца да іншых зорак
Міжзорныя палёты стануць даступныя не раней чым праз 250-300 гадоў, распавёў у інтэрв'ю «РИА Новости» вядучы навуковы супрацоўнік Лабараторыі рэактыўнага руху НАСА Вячаслаў Турышаў, які браў удзел у блізу 40 місіях НАСА.
«Выкажам здагадку, праз пару гадоў мы з вамі адкрываем газету, дзе на першай паласе велізарным шрыфтам надрукавана: «За 100 светлавых гадоў ад нас знайшлі планету, на якой пацверджаная наяўнасць арганічнага жыцця»… Палёты на такія адлегласці нам не будуць даступныя яшчэ мінімум 250-300 гадоў», — сказаў ён.
Такім чынам, вывучыць планету ў іншай зорнай сістэме з дапамогай зонда не ўяўляецца магчымым, а для таго, каб яе разглядзеў тэлескоп, ён павінен мець каласальныя памеры. Так, каб атрымаць малюнак гэтага аб'екта памерам нават у адзін піксель, спатрэбіцца аптычны тэлескоп дыяметрам у 90 кіламетраў. Цяпер для пошуку экзапланет выкарыстоўваюцца непрамыя метады выяўлення. Яны сведчаць пра наяўнасць планет, але не дазваляюць бачыць планеты візуальна.
Каб убачыць далёкія планеты, Турышаў прапануе выкарыстоўваць Сонца ў якасці лінзы.
«Не ўдаючыся ў дэталі, скажу, цягам 9 месяцаў 1-метровы тэлескоп дазволіць нам убачыць экза-Зямлю, якая знаходзіцца за 100 светлавых гадоў ад нас з дакладнасцю 20-25 кіламетраў на яе паверхні», — паведаміў ён.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары